वन डढेलो नियन्त्रण सम्बन्धी सचेतना कार्यक्रम सम्पन्न
आज श्री देउराली सामुदायिक वन उपभोक्ता समूह को सभाहलमा वन डढेलो नियन्त्रण सम्बन्धी सचेतना कार्यक्रम सफलतापूर्वक सम्पन्न भएको छ ।
उक्त कार्यक्रम सव–डिभिजन वन कार्यालय गैडाकोटका वन अधिकृत श्री सन्तोष मिश्र ज्यूको सञ्चालनमा सम्पन्न भएको हो । कार्यक्रममा वन डढेलोका कारण, जोखिम, नियन्त्रणका उपाय तथा समुदायको भूमिकाबारे विस्तृत रूपमा जानकारी तथा सचेतना प्रदान गरिएको थियो ।
कार्यक्रममा प्रमुख अतिथिका रूपमा वडा अध्यक्ष श्री शेखकान्त तिवारी ज्यूको विशेष उपस्थिति रहेको थियो । उहाँले वन संरक्षण तथा डढेलो नियन्त्रणमा स्थानीय समुदायको सक्रिय सहभागिता अपरिहार्य रहेको बताउँदै यस्ता कार्यक्रमहरूलाई निरन्तरता दिनुपर्नेमा जोड दिनुभयो ।
सहभागीहरूले वन संरक्षणप्रति आफ्नो प्रतिबद्धता व्यक्त गर्दै डढेलो नियन्त्रणमा सामूहिक प्रयास आवश्यक रहेको धारणा राखेका थिए ।
यस प्रकारका सचेतनामूलक कार्यक्रमहरूले वन संरक्षण, वातावरणीय सन्तुलन तथा दिगो वन व्यवस्थापनमा महत्वपूर्ण योगदान पुर्याउने विश्वास लिइएको छ ।