वन पैदावार संकलनका लागि छपान कार्य सम्पन्न
आज मिति २०८२ असोज ३० गतेका दिन श्री देउराली सामुदायिक वन उपभोक्ता समूह को स्वीकृत वन कार्ययोजना अनुसार आ.व. २०८२/०८३ का लागि वन पैदावार संकलन तथा सदुपयोगका लागि छपान (tree marking) कार्य सम्पन्न गरिएको छ ।
उक्त कार्य समूहका कार्यसमिति, कर्मचारी तथा सव–डिभिजन वन कार्यालय गैडाकोटका कर्मचारीहरूको संयुक्त उपस्थितिमा सम्पन्न भएको हो ।
छपान कार्यमार्फत वन स्रोतको दिगो उपयोग, पारदर्शिता तथा वैज्ञानिक व्यवस्थापनलाई सुनिश्चित गर्दै वन पैदावार संकलनलाई व्यवस्थित बनाउने उद्देश्य राखिएको छ ।
यस गतिविधिले वन व्यवस्थापनलाई अझ प्रभावकारी बनाउँदै वातावरणीय सन्तुलन कायम राख्न महत्वपूर्ण योगदान पुर्याउने विश्वास लिइएको छ ।